கொரிய தமிழ்ச்சங்க அட்மின் குழு உறுப்பினர்கள்
முனைவர். சு. இராமசுந்தரம்
தலைவர்
விருதுநகர் மாவட்டத்திலுள்ள சொக்கம்பட்டி என்னும் சிற்றூரைசேர்ந்தவர். மதுரை தியாகராஜர் பொறியியல் கல்லூரியில் முதுகலை பட்டமும், சியோல் கியாங்கி பல்கலைக்கழகத்தில் முனைவர் பட்டமும் பெற்றவர். பிளாஸ்டிக் கழிவை உள்ளிடாகப்பயன்டுத்தி இடும் தார்ச்சாலை தொழில்நுட்பத்தை கண்டுபிடித்த பத்மவிபூஷன் பேராசிரியர் வாசுதேவன் அவர்களின் ஆராய்ச்சிக்குழுவில் மாணவ ஆராய்ச்சியாளராகப் பணியாற்றியவர். பிளாஸ்டிக் கழிவிலான தார்ச்சாலை தொழில்நுட்பத்தை களத்தில் பயன்படுத்த தேவையான முக்கிய படிநிலையை அறிமுகப்படுத்திவர். கல்வி-ஆராய்ச்சி-கட்டுரையாக்கம்-களத்தில் பயன்படுத்த தேவையான தொழில்நுட்பம் உருவாக்கம் என அறிவியல் ஆராய்ச்சியின் படிநிலைகளை இளம் வயதில் எட்டிய ஒரு அங்கீகரிக்கப்பட்ட ஒரு அறிவியலாளர். கொரியாவில் கடந்த 15 ஆண்டுகளாக வசிக்கிறார். தமிழ்நாடு மற்றும் உலகத்தமிழர் தொடர்பான அரசியல், சமூக, பாதுகாப்பு மற்றும் செயற்பாட்டு வழிமுறை குறித்த விடயங்கள் தொடர்பில் படித்து அறிந்துகொள்வதில் ஆர்வமுடையவர்.
திருமதி: முனைவர். கிறிஸ்டி கேத்தரின்
துணைத்தலைவர்
திருநெல்வேலி மாவட்டம் ஆலங்குளத்தை சேர்ந்தவர். அறிவியல் நகரான தேஜோன்-ல் சுங்னம் தேசிய பல்கலையில் புரத அறிவியலில் முனைவர் பட்டம் பெற்றார், பத்து ஆண்டுகளாக கொரியாவில் வசிக்கிறார், தமிழார்வம் கொண்டவர்.
முனைவர் இராமன் குருசாமி
செயலாளர்
பெருங்குடி, மதுரையை சேர்ந்தவர், புதுச்சேரி நடுவண் பல்கலையில் உயிரி தொழில் நுட்பத்தில் முனைவர் பட்டம் பெற்றவர். இங்கு பெருமைமிகு நெசவியல் நகரான தேகுவில் அமைந்துள்ள யோங்னம் பல்கலைக்கழகத்தில் பேராசிரியராக இருக்கிறார். அவர் அங்கீகரிக்கப்பட்ட பன்னாட்டு புகைப்பட கலைஞர் என்பது குறிப்பிடத்தக்கது.
முனைவர். செல்வராஜ் ஆரோக்கியராஜ்
இணை செயலாளர்
புரட்சி கவிஞர் பாரதிதாசன் பிறந்த புதுவையைச் சேந்தவர். சியோல் சேஜோங் பல்கலைக்கழகத்தில் பேராசிரியராக பணிபுரிகிறார். அறிவியல் பங்களிப்புக்கான இந்திய அரசின் பல விருதுகளை பெற்றவர். சிறந்த அரசியல்-சமூக திறனாய்வாளர் என்பது குறிப்பிடத்தக்கது.
முனைவர் முனியப்பன் சீனிவாசன்
முதன்மை பொறுப்பாளர்-பொருண்மியம்
தர்மபுரியை சேர்ந்தவர். Korea Advanced Institute of Science and Technology, (KAIST) Daejon-ல் உயிரி- இயற்பியலில் முனைவர் பட்டம் பெற்றவர். Daegu Gyeongbuk Institute of Science and Technology (DGIST,Daegu)-ல் பணிபுரிகிறார்
பொறியாளர். திரு. சகாய டர்சியூஸ் பீ
தகவல் தொழில்நுட்ப பிரிவு முதன்மை பொறுப்பளார்
கன்னியாக்குமரி மாவட்டத்தில் உள்ள இராஜாக்கமங்கலம் துறை எனும் கிராமத்தில் பிறந்து, கணினி செயல் பாட்டியல் துறையில் முதுகலைப் பட்டம் பெற்று, தற்போது தென்கொரியாவில் BIXOLON CO.,LTD எனும் நிறுவனத்தின் ஆராய்ச்சிக்கூடத்தில் சீனியர் மேனேஜராக பணிபுரிந்து வருபவர். இவர் ஒரு சிறந்த கவிஞர் என்பதும் குறிப்பிடத்தக்கது. கொரியாவில் பதினோரு ஆண்டுகளாக வசிக்கிறார்.
